പറയാതെ പറയുന്ന പ്രണയമെന്നിൽ
മൂകമായ്...ലോലയായ്...പരിലസിക്കെ
ഇന്നെന്റെ ചിന്തകൾ ഭാവനാശൂന്യമായ്
വാക്കുകൾ മനസ്സിനെ വിട്ടകന്നു...
കണ്ണുകൾ കാഴ്ചയെ പാടേ മറക്കുന്നു
ശേഷിപ്പതവ്യക്തമായാമുഖം മത്രമായ്
ചുണ്ടുകൾ നിശ്ചലമെങ്കിലും കൊതിക്കുന്നു
ഉരിയാടുവാൻ, എന്നിലുണർന്നയഭിലാഷങ്ങളെ
ഹൃത്തടം വിങ്ങുന്നൂ, തുടിക്കുന്നു ആകാതെ
മനതാരിൽ നിറയുന്ന മോഹസക്ഷാത്കരങ്ങളാൽ
ചേർത്തുപിടിക്കുവാൻ വെമ്പുന്നു കരങ്ങൾ
പിന്നെയാവേശം കൊള്ളുന്നെൻ പാദങ്ങൾ
കാക്കുന്നു വാചാലമാകുമാ നിമിഷങ്ങൾ...
ഇനിയും പുറപ്പെടാ നിൻ വാമൊഴികളെ.......