Tuesday, June 16, 2015
പൂർവ്വികർക്കായ് ഒരു കുറിപ്പ്...
ചക്രവാളത്തിന്റെ കാണാക്കയത്തിൽ
നക്ഷത്രച്ചൂട്ടുകൾ തെളിയിച്ച്
മുന്പേ നടന്ന പ്രിയരേ....
നിങ്ങൾ പകർന്ന തിരിനാളം
കരിന്തിരി എരിയുന്നുണ്ടിവിടിപ്പൊഴും...
അണയാതെ ജ്വലിപ്പിച്ച് സൂക്ഷിക്കട്ടെ ഞാൻ
സമയമാകും വരെ പിന്തുടർച്ചക്കായ്...
തേന്മാവിൻ ചില്ലകൾ വെട്ടി കാതലൊരുക്കട്ടെ;
തെക്കേത്തൊടിയിലെ പണിപ്പുരയിലേക്ക്...!
മഞ്ഞളിച്ച കണ്ണുകൾ തുറക്കാറില്ല,
ഇരുൾ മൂടും കാഴ്ചകൾക്കു മുന്നിൽ !
തളരുന്നു തനുവും മനവും
ആയുഷ്ക്കാല ചെയ്തികൾ തൻ ഫലം.
തിരയുകയാണിന്ന് കർമ്മകാണ്ഡത്തിൽ...
ശേഷിക്കുന്നുവൊ സത്കൃത്യം എന്തെങ്കിലും
മുനിഞ്ഞു കത്തുവാൻ ഒരു ചെറുതാരകമായ്
നിലാവിറ്റു വീഴാത്ത നാളേകളൊന്നിൽ...
-
Author: Sums
Nothing to Say more...It is enough to know WHO AM I Read More →
Subscribe to:
Posts (Atom)
0 comments:
അഭിപ്രായങ്ങൾ കുറിക്കുക എന്നത് വായനക്കാരുടെ താല്പര്യമാണ്... വിമർശനങ്ങൾക്കും, തിരുത്തലുകൾക്കും കൂട്ടത്തിൽ പ്രോത്സാഹനത്തിനും അർഹനാണെന്നു കരുതുന്നുവെങ്കിൽ....... എന്നിരുന്നാലും നിങ്ങളുടെ വിലപ്പെട്ട സന്ദർശനത്തിനും വായനക്കുമുള്ള നന്ദി അറിയിക്കുന്നു.