തിരക്കുകൾ എന്നെ ഹൈക്കുവിനോട് പ്രലോഭിപ്പിക്കുമ്പോൾ ഞാനും അസ്ഥിവാരമില്ലാത്ത എന്റെ പരീകഷ്ണശാലയിലേക്ക്....


 

നീയും ഞാനും...“നമ്മൾ “
****************************

മനസ്സിലെ പ്രണയം വേനൽ‍ച്ചൂട്
ഹൃദയം താപത്തിൽ വെണ്ണയായ്
ഉരുകി ഒന്നാകുന്നൂ... “നമ്മൾ “
----------------------------------------

കാണുന്നു
അറിയുന്നു
പങ്കു വയ്ക്കുന്നു
വിട പറയുന്നു
വിരഹം
---------------------------------------

ഓടുന്നു, ചാടുന്നു
ചിരിക്കുന്നു
വീഴുന്നു, കരയുന്നു
അമ്മയും കുഞ്ഞും
---------------------------------------

##########################################################################

നൊമ്പരങ്ങൾ...
********************

പകരം വയ്ക്കാനില്ലാത്ത സ്നേഹം
ഹൃദയത്തിൽ നിറഞ്ഞു തൂകുമ്പോൾ
താഴെ വീണുടയുന്നു മിഴിനീർത്തുള്ളിയായ്...
-------------------------------------------------------

മൌനം വാചാലമെങ്കിലും
മൊഴികൾ കിട്ടാക്കനിയായ് അകലവെ
തുടൽ തകർക്കാനൊരുങ്ങുന്നു വാക്കുകൾ
--------------------------------------------------------

ഊർജ്ജം പകർന്നാടിയ നാളങ്ങൾ
പതിയെ ചിറകൊതുക്കി വിടപറയുമ്പോൾ
സ്വപ്നങ്ങളിൽ കനലെരിയുന്നു

--------------------------------------------------------